Press "Enter" to skip to content

Лазизбек Мулложонов — халқаро турнир ғолиби

Болгариянинг София шаҳрида бокс бўйича халқаро анъанавий «Странжа» турнири ташкил этилди. Жаҳоннинг 37 мамлакатидан 370 нафардан ортиқ чарм қўлқоп усталари иштирок этган мазкур нуфузли спорт мусобақасида Ўзбекистон терма жамоаси 8 нафар эркак ва 5 нафар аёл боксчи билан қатнашди.

Қувонарлиси, 92 килограммдан ортиқ вазн тоифасида рингга кўтарилган фарғоналик Лазизбек Мулложонов барча рақибларидан устун келиб, ғолиблар сафидан ўрин олди. У финалда германия-лик машҳур боксчи Нелви Тиафакка ҳеч қандай имконият қолдирмади.
Турнир якунида 6 та олтин ва 1 та бронза медалини қўлга киритган Ўзбекистон терма жамоаси умумжамоа ҳисобида биринчи ўринни эгаллади.

Ulashing: